0 Hiling. Tanong. Panalangin.

Kung ang kamay ko'y may kakayahang maglakbay, nais ko abutin nito ang mga talang nagniningning sa himpapawid
Upang mahiram ang kinang nito kahit sandali.

Sana'y singkulay ng bahaghari ang bawat araw na darating
At nang ang ngiti'y hindi na pilit.

Nawa'y maging singlaya ng ihip ng hangin ang aking damdamin

Bakit ba hindi naging

Kasing ikli ng bawat sandaling lumilipas ang pananatili ng lumbay?
Mabilis iwaglit ang bigat ng damdaming nadarama?

Paano

Kung mapatid na ang pisi ng pag-unawa?
At mapigtal na ang tanging pag-asang pinaghahawakan?

Kailan

Natatapos ang pighati?

Ngayon.
Bukas.
Baka hindi.